Mpianatra malagasy mankafy ny fitsangantsanganana
am-bisikileta eto Kofu
Salama!
Zy no anarako ary avy any Madagasikara aho. Izaho
dia mpiofana maharitra ny JICA ary mianatra ao amin'ny Oniversiten'i Yamanashi.
Tamin'ny
herinandro lasa dia nandray anjara tamin'ny aho izay nokarakarain'ny tanànan'i
Kofu izay tafiditra ao anatin'ny fankalazana ny faha-500 taonan'i Takeda
Shingen.
Hitako
bebe kokoa ny hatsaran'ny tanànan'i Kofu nandritra ity fitetezana bisikileta
ity. Ny prefektioran'i Yamanashi dia manana tendrombohitra be dia be sady feno
toerana mahafinaritra. Nitsidika toerana manan-tantara, ara-kolontsaina ary
ara-panahy maro manodidina ny faritra mifandraika amin'ny fianakaviana Takeda
izahay toy ny Tempolin'i Zenkoji malaza, Tempolin'i Nojoji ary Tempolin'i
Tokoji. Nanana fahafahana nandray anjara tamin'ny fisaintsainana Zazen (meditation)
koa aho izay nankafiziko ny kolontsaina Japoney. Tena niavaka ity
fitsangantsanganana am-bisikileta ity satria niaraka tamin'ny olona maro avy
amin'ny firenena samihafa aho. Nankafizinay ny fahasamihafàna, nahafinaritra ny
nitazana an'I tendrombohitra Fuji ary ny fiovan`ny lokon`ny ravina amin`ny andro fararano izay antsoina
hoe"Koyo" teo am-bisikileta. Tena matihanina ny mpikarakara ary tena
sariaka ny mpitaingina bisikileta.
Nahafinaritra
ahy ny fitsangantsanganana am-bisikileta, tena faly aho.!
Mbola
vonona ny handray anjara indray amin'izay hetsika manaraka!
Raha
tia zavaboary ianao dia manasa anao aho hitsidika an'i Yamanashi 😊
